Серни нуōдана удж. Мойд «Руч да кōч»
МДОУ «Детский сад №2» с. Помоздино
Составила: воспитатель Тарабукина М.Г.
Водзвывса удж:
Челядькōд ōтвылысь видзōдам лым бōрся садик жырйын (челядь видлалōны лым киōн: быдōн босьтō киō лым и казялōны, мый сійō сылō – артмō ва). Шондіа лунō видзōдам йинёнь бōрся, кыдзи сійō сылō-тёпкō.
Мог:
Сōвмōдны челядьōс сюся кывзыны гырысьлысь висьталōм –мойдōм, ышōдны ōтувъя удж вōчōм вылō, кужны висьтавны юалōм вылō, кывзыны ōта –мōднысō.
Сӧвмӧдны, гырысьяс вылӧ видзӧдӧмӧн, вӧрзьӧдчӧмъяс (движения);сӧвмӧдны паметь,вниманньӧ, гӧгӧрвоӧдны сёрни.
Стōчмōдны
Нуōдōм:
1.Заводитōм.
Видза оланыд, челядь!
Челядь, пекōдлōй, кōні тіян пельяс, а синъяс? Пельяс сюся кывзōны, синъяс видзōдōны!
Висьтала ме тіянлы мойд «Руч да кōч» (мойд висьталігōн пуктала персонажъяслысь фигураяс и петкōдла налысь вежласьōмъяс).
Олісны- вылысны руч да кōч. Ручлōн вōлі йи керка, а кōчлōн – пу керка.
Воис гажа тулыс, и ручлōн керка сыліс, а кōчлōн сулалō важ мозыс.
Со руч локтіс кōч керка дорō и вōзйысьō сы ордō шонтысьны:
-Лэдзлы, кōчиль, шонтысьны.
-Кынмин ёна? Пыр лок пыр.Поводдяыс кōдзыд тай.
Ручыд пырыс.Сэсся жергодіс ёсь пинь, да и вōтліс кōчильōс. Мунō туй кузя кōч да бōрдō.
Ла-ла,ла-ла,ла-ла-ла!
Ывла вылын сулала.
Табъя кокōй кынмō,
Туша ставнас сырмō.
Сылы паныдасис пон:
-Тяв, тяв, тяв! Мый, кōчильōй, бōрдан?
-Кыдзи меным не бōрдны? Вōлі менам пу керка, а ручлōн йи керка. Воис тулыс да сылōн керкаыс сыліс. Локтіс ме дорō шонтысьны да менō и вōтліс.
- Эн бōрд, кōчильōй! Ме отсала тэныд. Лок мунам и ме вōтла ручōс.
Найō локтісны кōч керка дорō. Пон увтыштіс:
-Тяв, тяв, тяв! Пет, руч, кōч керкаысь!
А руч налы паччōр вывсянь:
-Кыдзи чеччышта, кыдзи уськōдча, став гōныд пусь –пась вōр пасьталаыс разалас!
Пон повзис да и пышйис.
Кōч бара мунō туй кузя, бōрдō:
Ла-ла,ла-ла,ла-ла-ла!
Ывла вылын сулала.
Табъя кокōй кынмō,
Туша ставнас сырмō.
Сылы паныдасис ош:
Мый, кōчильōй, бōрдан?
-Кыдзи меным не бōрдны? Вōлі менам пу керка, а ручлōн йи керка. Воис тулыс да сылōн керкаыс сыліс. Локтіс ме дорō шонтысьны да менō и вōтліс.
- Эн бōрд, кōчильōй! Ме отсала тэныд. Лок мунам и ме вōтла ручōс.
-Он, он отсав. Пон вōтлыны кōсйис – эз вермы вōтлыны, и тэ он вермы.
-Вōтла!
Найō локтісны кōч керка дорō. Ош кыдзи горōдас:
- Пет, руч, кōч керкаысь!
А руч налы паччōр вывсянь:
-Кыдзи чеччышта, кыдзи уськōдча, став гōныд пусь –пась вōр пасьталаыс разалас!
Ош повзис да и пышйис.
Кōч бара мунō туй кузя, бōрдō:
Ла-ла,ла-ла,ла-ла-ла!
Ывла вылын сулала.
Табъя кокōй кынмō,
Туша ставнас сырмō.
Сылы паныдасис косаа петук:
- Ку-ка-ре-ку! Мый, кōчильōй, бōрдан?
-Кыдзи меным не бōрдны? Вōлі менам пу керка, а ручлōн йи керка. Воис тулыс да сылōн керкаыс сыліс. Локтіс ме дорō шонтысьны да менō и вōтліс.
- Эн бōрд, кōчильōй! Ме отсала тэныд. Лок мунам и ме вōтла ручōс.
-Он, он отсав. Пон вōтліс – эз вермы вōтлыны, ош вōтліс – эз вермы вōтлыны, и тэ он вермы..
-Вōтла!
Найō локтісны кōч керка дорō. Петук шаркнитыс кокъяснас, швачнитыс бордъяснас да горōдіс:
- Ку-ка-ре –ку! Ме гōрд сапōга путук,
Пельпом вылын нуа коса,
Кōсъя ручлысь юрсō сōтыштны,
Пет руч кōч керкаысь!
Руч кыліс, повзис да шуō:
-Кōмася…..
А петук бара:
- Ку-ка-ре –ку! Ме гōрд сапōга путук,
Пельпом вылын нуа коса,
Кōсъя ручлысь юрсō сōтыштны,
Пет руч кōч керкаысь!
Руч бара шуō:
- Пасьтася…
А петук коймōдысь:
- Ку-ка-ре –ку! Ме гōрд сапōга путук,
Пельпом вылын нуа коса,
Кōсъя ручлысь юрсō сōтыштны,
Пет руч кōч керкаысь!
Öдзōс воссьыс, руч садьтōгыс пышйыс вōрō.А кōч пырыс, и кутіс овны да вывны аслас пу керкаын.
2. Дидактическōй ворсōм «Кодлōн мый?»
Видзōдлам серпасъяс(картинки) вылō и тōдмалам…
- Кодлōн гōрд сорс? (петуклōн)
- Кодлōн кузь пель? (кōчлōн)
- Кодлōн рыжōй шуба? (ручлōн)
- Кодлōн вōлі пу керка? (кōчлōн)
- Кодлōн вōлі йи керка? (ручлōн)
- Кодлōн пельпон вылын коса? (петуклō)
3. Ворсōм «Мойдам ōтлаын»
Челядь бōрйōны кукольнōй персонажъяслысь фигураяс. Восп. висьталō мойд, челядь петкōдлōны, новлōдлōны фугураяс ассьыныс персонажлысь, ясыда шуавны кыв помъяс.
4. Подвижнōй ворсōм «Оліс вылыс кōч»
Оліс – вылыс кōч, Кузь пель.
Кузь пель, юр вылын кузь пель.
Мыськис кōчиль синъяс,
Мыськис дзōля ныр,
Мыськис кōчиль лапа,
Мыськис дженьыд бōж.
Мыссис… И йирыштіс морков!
5. Ворсōм. «Тōдмав»
Гōрд пилотка –шапка пыдди.
Гōрд и сылōн вожа тош.
Водз асылылын сійō чеччō,
Гораа зэв сьылō,
Узьны челядьлы оз сет. (петук)
Гожōмнас руд рōма ветлō.
Тōлын еджыд гōн век петлō.
Пельяс кузьōсь, дженьыд бōж..
Полō быдторйысь нэм чōж. (кōч)
Гōныс рыжōй, пушкыр,
Бōжыс кузь, да пашкыр.
Наян да и сюсь… (руч).
6. Пом.
Ошкыштны челядьōс.